महाविकास आघाडीमध्ये काँग्रेस, शरद पवार यांची राष्ट्रवादी काँग्रेस, आणि उद्धव ठाकरे यांची शिवसेना हे तीन पक्ष आहेत. विधान परिषदेच्या ११ जागांसाठी येत्या १२ जुलै रोजी मतदान होत आहे. या निवडणुकीसाठी अर्ज भरण्याचा आज शेवटचा दिवस आहे. त्यामुळे जोरदार हालचाली पडद्यामागे सुरु झाल्या आहेत.
बंडखोरी आणि क्रॉस वोटिंग टाळण्यासाठी निवडणूक बिनविरोध करण्याचे प्रयत्न महायुती आणि महाविकास आघाडीकडून सुरु आहेत. आतापर्यंत दोन्ही आघाडी आणि युतीने मिळून ११ उमेदवार जाहीर केले आहेत. १२ वा उमेदवार कोणी देणार नाही, असा प्रयत्न केला जात आहे. यामुळे या सर्व जागा बिनविरोध निवडून येणार आहेत.
महाविकास आघाडीचे उमेदवार कोण?
महाविकास आघाडीमध्ये काँग्रेस, शरद पवार यांची राष्ट्रवादी काँग्रेस, आणि उद्धव ठाकरे यांची शिवसेना हे तीन पक्ष आहेत. आता या तिघांमधून कोणते दोन उमेदवार देणार, याकडे सर्वांचे लक्ष लागले आहे. महाविकास आघाडीमधील काँग्रेस पक्षाकडे त्यांची एक जागा निवडून आणण्यासाठी पुरेसे आमदारांचे संख्याबळ आहे.
मात्र ठाकरे गट आणि राष्ट्रवादी काँग्रेस शरदचंद्र पवार गट यांच्यापैकी कोणता पक्ष उमेदवार उभा करणार, हे पाहणे महत्वाचे ठरणार आहे. जर महाविकास आघाडीने तिसरा उमेदवार दिला, तर विधान परिषदेच्या ११ जागांसाठी १२ उमेदवार रिंगणात असतील, त्यामुळे निवडणूक होणार आहे.
महायुतीचे उमेदवार
विधान परिषद निवडणूक बिनविरोध करण्यासाठी पडद्यामागून राजकीय हालचाली सुरू असल्याची माहिती वरिष्ठ सूत्रांनी दिली. विधानसभेतील सर्वाधिक सदस्य संख्या असलेला भाजप सर्वाधिक ५ जागांवर निवडणूक लढवणार आहे. त्यानुसार भाजपाने ५ उमेदवार जाहीर केले आहेत. त्यानंतर महायुतीमधील सहकारी पक्ष शिवसेना आणि राष्ट्रवादी काँग्रेस पक्षाला प्रत्येकी २ जागा मिळणार आहेत. त्यामुळे उरलेल्या २ जागांवर महाविकास आघाडी त्यांचे उमेदवार देणार आहेत.
महायुती ९ उमेदवार देणार
महायुतीत भाजपचे ५, शिवसेनेचे २, आणि राष्ट्रवादी काँग्रेसचे २ उमेदवार आहेत.
भाजपचे उमेदवार
- पंकजा मुंडे
- योगेश टिळेकर
- डॉ. परिणय फुके
- सदाभाऊ खोत
- अमित गोरखे
शिवसेनेचे उमेदवार
- भावना गवळी
- कृपाल तुमाणे
महाविकास आघाडी दोन उमेदवार देणार
महाविकास आघाडीमध्ये कोणते दोन उमेदवार देणार, याकडे सर्वांचे लक्ष लागले आहे. काँग्रेस पक्षाकडे त्यांची एक जागा निवडून आणण्यासाठी पुरेसे आमदारांचे संख्याबळ आहे. मात्र ठाकरे गट आणि राष्ट्रवादी काँग्रेस शरदचंद्र पवार गट यांच्यापैकी कोणता पक्ष उमेदवार उभा करणार, हे पाहणे महत्वाचे ठरणार आहे. जर महाविकास आघाडीने तिसरा उमेदवार दिला, तर विधान परिषदेच्या ११ जागांसाठी १२ उमेदवार रिंगणात असतील, त्यामुळे निवडणूक होणार आहे.
विधान परिषद निवडणुकीसाठी पडद्यामागे जोरदार हालचाली सुरू आहेत. सर्व पक्षांनी आपापले उमेदवार जाहीर केले आहेत. आता महाविकास आघाडीच्या उमेदवारांची घोषणा होणे बाकी आहे. उमेदवारी अर्ज भरण्याचा आज शेवटचा दिवस असल्याने येत्या काही तासांत महत्त्वाचे निर्णय होण्याची शक्यता आहे.
हे ही वाचा – बदलत्या परिस्थितीत BCCI चा नवा प्लान: मायदेशी परतल्यानंतर टीम इंडिया सर्वात आधी कुठे जाणार?