न्यूझीलंडचा पीएनजीवर ७ विकेट्सनी विजय: रोमांचक सामना गोड शेवटाने संपला!

आयसीसी टी 20 वर्ल्ड कप 2024 स्पर्धेतील न्यूझीलंड क्रिकेट टीमने आपली मोहिम विजयाने संपवली आहे. त्यांनी पापुआ न्यू गिनी (PNG) विरुद्ध खेळलेल्या शेवटच्या सामन्यात 7 विकेट्सने शानदार विजय मिळवला.

सामना कसा झाला?

वर्ल्ड कपमधील 39 व्या सामन्यात न्यूझीलंडने टॉस जिंकून पहिल्यांदा फिल्डिंग करण्याचा निर्णय घेतला. त्यांनी PNGला फक्त 78 धावांवर रोखले.

NZ vs PNG

पीएनजीचा डाव

पीएनजीच्या फलंदाजांना मोठी खेळी करता आली नाही. 19.4 ओव्हरमध्ये त्यांनी सर्व खेळाडूंचे विकेट गमावून फक्त 78 धावा केल्या. न्यूझीलंडच्या गोलंदाजांनी उत्कृष्ट कामगिरी केली. लॉकी फर्ग्यूसनने 4 ओव्हर्स मेडन टाकत 3 विकेट्स घेतल्या. ट्रेंट बोल्ट, इश सोढी, आणि टीम साउथी यांनी प्रत्येकी 2-2 विकेट्स घेतल्या. मिचेल सँटरनने 1 विकेट घेतली.

न्यूझीलंडचा पाठलाग

पीएनजीने दिलेलं 79 धावांचं आव्हान न्यूझीलंडने 12.2 ओव्हरमध्ये पूर्ण केलं. मात्र सुरुवात निराशाजनक झाली. फिन अलन दुसऱ्याच बॉलवर झिरोवर आऊट झाला. त्यानंतर रचीन रवींद्र 6 धावा करुन आऊट झाला. डेव्हॉन कॉन्व्हेने 32 बॉलमध्ये 35 धावांची खेळी केली आणि नंतर आऊट झाला.

विजयाचा शेवट

कॅप्टन केन विलियमसन आणि डॅरल मिचेल यांनी न्यूझीलंडला विजयापर्यंत पोहचवलं. चौथ्या विकेटसाठी तब्बल 25 धावांची भागीदारी करण्यात आली. केनने 17 बॉलमध्ये नाबाद 18 रन्स केले. डॅरेल मिचेलने 12 चेंडूत 19 धावांचं योगदान दिलं. पीएनजीकडून कबुआ मोरेया याने 2 विकेट्स घेतल्या, तर सेमो कामिया याने 1 विकेट घेतली.

NZ vs PNG

न्यूझीलंडची प्लेइंग इलेव्हन

  • केन विल्यमसन (कॅप्टन)
  • फिन अॅलन
  • डेव्हॉन कॉनवे (विकेटकीपर)
  • रचिन रवींद्र
  • डॅरिल मिचेल
  • ग्लेन फिलिप्स
  • मिचेल सँटनर
  • इश सोढी
  • टीम साउथी
  • लॉकी फर्ग्युसन
  • ट्रेंट बोल्ट

पीएनजीची प्लेइंग इलेव्हन

  • असद वाला (कॅप्टन)
  • टोनी उरा
  • चार्ल्स अमिनी
  • सेसे बाऊ
  • हिरी हिरी
  • चाड सोपर
  • किपलिन डोरिगा (विकेटकीपर)
  • नॉर्मन वानुआ
  • अले नाओ
  • काबुआ मोरेया
  • सेमो कामिया

या सामन्यात न्यूझीलंडच्या गोलंदाजांनी आणि फलंदाजांनी उत्कृष्ट कामगिरी केली. त्यांनी पीएनजीच्या टीमला कमी धावसंख्येवर रोखून विजय मिळवला. न्यूझीलंडचा हा दुसरा विजय होता, तर पीएनजीला अद्याप विजय मिळवता आलेला नाही. न्यूझीलंडने आपल्या सामन्याचा शेवट विजयाने करून आपल्या चाहत्यांना आनंद दिला.


हे ही वाचा – टी20 वर्ल्ड कप 2024: सुपर-8 मध्ये थरारक सामने – जाणून घ्या भारताचे संपूर्ण वेळापत्रक!

Leave a Comment