महाराष्ट्रातील विधानसभा निवडणुका लवकरच होणार
महाराष्ट्रातील आगामी विधानसभा निवडणुकांवर सर्वांचे लक्ष लागले आहे. या निवडणुकीची तारीख 10 तारखेनंतर कधीही जाहीर होऊ शकते, अशी शक्यता आहे. पुढील दीड महिन्यात या निवडणुका पार पडतील, म्हणून सर्व राजकीय पक्षांनी जोरदार तयारी सुरू केली आहे. कार्यकर्ते, पदाधिकारी आणि नेते एकत्रितपणे काम करत आहेत.
अजित पवारांनी निवडणुकीसंदर्भात मोठे संकेत दिले
राष्ट्रवादी काँग्रेसचे नेते अजित पवार यांनी या निवडणुकीसंदर्भात महत्वाचे संकेत दिले आहेत. त्यांनी अप्रत्यक्षपणे विधानसभेच्या निवडणुका न लढण्याची इच्छा व्यक्त केली आहे. बारामतीत झालेल्या एका कार्यक्रमात त्यांनी स्पष्टपणे सांगितले की, “मी जो उमेदवार देईन, त्यालाच निवडून आणा.” त्यामुळे आता बारामतीत अजित पवार निवडणूक लढणार का, याबद्दल संभ्रम निर्माण झाला आहे.
श्रीनिवास पवार यांची प्रतिक्रिया
अजित पवार यांच्या विधानावर त्यांच्या सख्ख्या बंधू श्रीनिवास पवार यांनी प्रतिक्रिया दिली आहे. त्यांनी म्हटले की, “अजितदादा नेहमी सांगतात की ते शब्दाचे पक्के आहेत, ते दिलेला शब्द पाळतात. जर त्यांनी असेच ठरवले असेल, तर ते निश्चितच निवडणुका लढणार नाहीत.” त्यांच्या या वक्तव्यावर सर्वत्र चर्चा सुरू आहे.
अजित पवार यांचे निवडणूक लढण्याचे निर्णय
गेल्या काही दिवसांपासून चर्चा होती की बारामती विधानसभा मतदारसंघातून अजित पवार यांचे सुपुत्र जय पवार निवडणूक लढवणार आहेत. परंतु काहीवेळा अजित पवार स्वतः पुन्हा बारामतीतून निवडणूक लढवणार असल्याचीही चर्चा होती. या पार्श्वभूमीवर त्यांनी बारामतीतील कार्यकमात विधान केले की, “मी जो उमेदवार देईन, त्याच्यावर विश्वास ठेवा.” त्यामुळे आता अजित पवार स्वतः लढणार की जय पवार यांना उमेदवारी मिळणार, याबद्दल अजूनही संभ्रम कायम आहे.
पवार कुटुंबातील मतभेद
लोकसभा निवडणुकीच्या वेळी अजित पवार यांनी बारामतीत आपल्या पत्नी सुनेत्रा पवार यांना सुप्रिया सुळे यांच्या विरोधात निवडणूक लढवली. परंतु, सुनेत्रा पवार यांचा पराभव झाला. यानंतर श्रीनिवास पवार यांनी प्रतिक्रिया दिली की, “राजकारण आणि कुटुंब वेगळं आहे. कौटुंबिक पातळीवर आम्ही एक आहोत, पण आमचे कुटुंबप्रमुख शरद पवार आहेत.”
अजित पवारांची माघार की नवी रणनीती?
अजित पवारांच्या निवडणुकीसंबंधित निर्णयामुळे आता चर्चेला उधाण आले आहे. काहीजण या निर्णयाला त्यांच्या कुटुंबात सुरू असलेल्या राजकीय संघर्षाशी जोडत आहेत. तर काहीजण याला एक नवीन रणनीती म्हणून पाहत आहेत. त्यांच्या उमेदवाराबाबतची घोषणा लवकरच होईल, असे त्यांनी सांगितले आहे.
हे ही वाचा – Mahayuti Dispute : भाजप-शिंदे गटाची अजित पवारांना बाहेर फेकण्याची योजना: महायुतीत पुन्हा खळबळ होणार का?