T20 वर्ल्ड कपच्या सुपर-8 राऊंडमध्ये अफगाणिस्तानने बलाढ्य ऑस्ट्रेलियाला हरवून क्रिकेट जगतात खळबळ उडवून दिली आहे. या विजयामुळे सुपर-8 च्या ग्रुप ए मधील स्पर्धा अधिक तीव्र आणि रोमांचक बनली आहे. अफगाणिस्तानने 21 धावांनी विजय मिळवला, ज्यामुळे त्यांच्या सेमीफायनलच्या शक्यता वाढल्या आहेत.
AUS vs AFG – अफगाणिस्तानची बॅटिंग परफॉर्मन्स
अफगाणिस्तानने या सामन्यात पहिली बॅटिंग करत 6 बाद 148 धावा केल्या. अफगाणिस्तानच्या ओपनिंग जोडी, गुरबाज आणि जादरान यांनी पहिल्या विकेटसाठी 15.5 ओव्हर्समध्ये 118 धावांची भागीदारी केली. या भागीदारीमुळे अफगाणिस्तानचा संघ चांगल्या स्थितीत होता, पण नंतर ऑस्ट्रेलियन गोलंदाजांनी जोरदार पुनरागमन केलं आणि अफगाणिस्तानला मोठी धावसंख्या उभारण्यापासून रोखलं.
ऑस्ट्रेलियाचा बॉलिंग परफॉर्मन्स
ऑस्ट्रेलियाच्या पॅट कमिन्सने या सामन्यात सुद्धा हॅट्ट्रिक घेतली. T20 वर्ल्ड कपमध्ये लागोपाठ हॅट्ट्रिक घेणारा तो पहिला गोलंदाज बनला आहे. कमिन्सने 4 ओव्हरमध्ये 28 धावा देऊन 3 विकेट घेतल्या, तर जंपाने 2 विकेट मिळवल्या. त्यांच्या बॉलिंगमुळे अफगाणिस्तानला मोठी धावसंख्या करण्यापासून रोखता आलं.
ऑस्ट्रेलियाचा डाव अपयशी ठरला
ऑस्ट्रेलियाच्या फलंदाजांनी 149 धावांचं लक्ष्य साधण्यासाठी मैदानात उतरले. त्यांच्या बॅटिंगची ताकद लक्षात घेता हे फार मोठ टार्गेट नव्हतं, पण अफगाणिस्तानच्या गोलंदाजांनी उत्कृष्ट प्रदर्शन केलं. ग्लेन मॅक्सवेलने सर्वाधिक 59 धावा केल्या, पण त्यांच्या बाकी फलंदाजांना अफगाणिस्तानच्या गोलंदाजीसमोर टिकाव लागला नाही. ऑस्ट्रेलियाचा डाव 127 धावांवर संपला आणि त्यांना 21 धावांनी पराभव पत्करावा लागला.
AUS vs AFG – टीम इंडियासाठी पुढील सामना निर्णायक
या पराभवामुळे ऑस्ट्रेलियासाठी पुढचा सामना ‘करो या मरो’ ठरणार आहे. टीम इंडिया विरुद्ध त्यांना विजय मिळवणं आवश्यक आहे, अन्यथा त्यांच्या सेमीफायनलची संधी कमी होईल. टीम इंडिया ग्रुप A मध्ये पहिल्या स्थानावर असून रनरेटमध्येही सरस आहे.
अफगाणिस्तानचा ऐतिहासिक विजय
अफगाणिस्तानने ऑस्ट्रेलियाला हरवून T20 क्रिकेटमध्ये आपली जागा मजबूत केली आहे. त्यांचा हा विजय त्यांच्या सांघिक प्रयत्नांमुळे शक्य झाला आहे. बॅटिंग, बॉलिंग आणि फिल्डिंग तिन्ही डिपार्टमेंटमध्ये जबरदस्त कामगिरी करून त्यांनी विजयाची स्क्रिप्ट लिहिली.
अफगाणिस्तानचा ऑस्ट्रेलियावरील हा पहिला विजय असून, त्यांनी क्रिकेट विश्वात धक्कादायक निकाल लावला आहे. सुपर-8 च्या ग्रुप ए मधील स्पर्धा अधिक तीव्र बनली आहे, आणि टीम इंडियासाठी पुढील सामना निर्णायक ठरणार आहे. क्रिकेट चाहत्यांसाठी हा सामना आठवणीत राहील, कारण अफगाणिस्तानने बलाढ्य ऑस्ट्रेलियाला पराभूत करून आपली क्षमता दाखवली आहे.
हे ही वाचा – NEET Paper Leak: 10 वर्षांची शिक्षा आणि 1 कोटींचा दंड.. देशभरात कठोर अँटी पेपर लीक कायदा लागू